Oiartzuerazko hitzak aieka batera eta bestera zabaldu nahi ditu Ttur-tturrek
Pasa den ikasturtean martxan jarritako kanpainari jarraipena emango Ttur-ttur Euskaltzaleon Bilguneak. 'Aieka' hitzarekin hasi nahi dute memeak biltzen.
Ttur-ttur Euskaltzaleon Bilguneak oiartzuerazko hitzak dibulgatzeko Oiartzuarren Baitan barruko dinamikari jarraipena egingo dio hasi berri den ikasturte honetan.
Azarora bitartean, hamar astetan zehar, hitz bana dibulgatuko dute astero. Lehenengoa aieka izango da. Hitz horrekin meme edota bideoak eskatuko dizkiete oiartzuarrei, beraiek erabiltzen duten modua ilustratzeko. Sare sozialetan partekatzera animatu dute, #hitzaoiartzueraz traola jarri eta Ttur-ttur etiketatuta.
Pasa den dinamikaren bukaeran mikroipuin lehiaketa bat antolatu zuten. Oraingoan ere zerbait antolatu dute, baina antolatzaileek jakinarazi dutenez, oraindik zehazteke dute zer.
Honakoak izango dira bigarren kanpaina honetan landuko dituzten hitzak, aste honetako aieka-z gain: Itoti, baldimetan, ailletu, bazter, ahittu, amakiña, enpu in, eju eta harrika bota.
