COVID-19aren tasa 200dik beherakoa da Oarsoaldeko herri guztietan
Aste honetan, astelehenetik ostegunera, Oarsoaldeko lau herrietako 23 biztanlek hartu dute gaitza; joan den asteko epe berberean 31 izan ziren.
Aste honetan, astelehenetik ostegunera, koronabirusagatik kutsatu direnen kopurua 23 pertsonakoa izan da Oarsoaldeko lau herrietako baturan. Joan den asteko epe berberean (abuztuaren 30etik irailaren 2ra) 31koa izan zen kopuru hori. Horregatik, astetik astera aldea dago lau herrietako tasetan, hoberanzkoa: 100.000 biztanleko tasa hori 200 azpitik da Errenteria-Oreretan, Pasaian, Oiartzunen eta Lezon.
Ondoko koadroan, gaurko tasaren zenbatekoa eta aste osoko positiboen zerrenda ikus daiteke:
- Errenteria-Orereta. Tasa: 102 (joan den asteko ostegunean 164koa zen). Positiboak (astelehena-asteartea-asteazkena-osteguna): 4-1-5-2.
- Pasaia. Tasa: 143 (joan den asteko ostegunean 227koa zen). Positiboak (astelehena-asteartea-asteazkena-osteguna): 0-1-5-0.
- Oiartzun. Tasa: 154 (joan den asteko ostegunean 309koa zen). Positiboak (astelehena-asteartea-asteazkena-osteguna): 0-1-2-1.
- Lezo. Tasa: 197 (joan den asteko ostegunean 378koa zen). Positiboak (astelehena-asteartea-asteazkena-osteguna): 0-1-0-0.
