Emakumeen Etxera ere heldu da ikasturte berria
Jarduera, ikastaro, tailer eta jabekuntza eskolak antolatu ditu Emakumeen Etxeak ohiko zerbitzuak eskaintzeaz aparte ikasturte berrirako.
Emakumeen Etxean aurretik egindako beste mahai inguru bat. Hilaren 1ean zabaldu zituen berriro ateak Emakumeen Etxeak eta ikasturte berrirako hainbat ekintza programatu ditu. Asteartean jarri zituen martxan aholkularitza zerbitzu guztiak, baina doikuntzak egin dituzte egun eta ordutegietan. Hala, Norbanakoaren jabekuntzarako gunea astearteetan 16:00etatik 18:00etara izango da eta orientazio juridikoa astearteetan 18:00etatik 20;00etara. Norberaren zaintza psikologikorako eta sexualereko gunea, ostegunetan 17:00etatik 19:00etara.
Berdindu aholkularitza ikasketak eta prestakuntza ibilbideak homologatzeko, hileko azken asteazkenean 16:00etatik 18:00etara eskainiko dute zerbitzua.
Zerbitzuak jaso ahal izateko hitzorduak aurrez eskatu behar dira Emakumeen Etxean 09:00etatik 13:00etara astelehen eta ostiraletan, eta 16:00etatik 20:00etara astearte, asteazken eta ostegunetan, posta elektronikoz, edota 943 44 96 30 telefono zenbakira deituta.
Hilabete honetan, gainera, hilabeteko programazioa berreskuratu nahi du Emakumeen Etxeak, eta lehen hitzordua hilaren 14an antolatu dute 18:00etan. Aurrera egin badugu dokumentala emango du. Jaizkibel konpainiak eta Julen Hernandezek zuzendutako dokumentalean, konpainiako Arantxa Urretabizkaia, Jaime Altuna eta OIhana Etxebarrietak, Garbiñe Birrun, Kattalin Miner eta Itziar Ituño elkarrizketatu dituzte. Festaz, parekidetasunaz, borroka feministaz aritu dira elkarrekin.
Filmaren osteko eztabaidan Jaizkibel Konpainiako Ixabel Alkainek hartuko du parte.
Hilaren 16an Eskola Feministaren ikasturte berria aurkezteko Nosotras las otras poesia dekolonial liburuaren aurkezpena eta errezitaldia antolatu dute. Izena eman behar da parte hartzeko Emakumeen Etxean, 943 44 96 30 telefono zenbakira deituta edota posta elektronikoz.
Urritik aurrera, gainera, 5 ikastaro, lau tailer, eta bi jabekuntza talde jarriko dituzte martxan; hemen kontsulta daitezke denak. Jarduera guztiak doakoak dira eta izena emateko epea hilaren 17tik 28ra arte irekiko da, tailerren kasuan izan ezik, horien izena emateko epea tailerrak hasi baino 3 egun lehenago itxiko baitute.
Bukatzeko, aurreko ikasturteko datu positiboak nabarmendu dituzte Emakumeen Etxetik. Osasun krisia eta edukiera murriztea gorabehera, 257 emakumek eman zuten izena, eta horietatik 205ek plaza lortu zuten eskainitako ikastaroren batean edo zenbaitetan
