EPLE eta Batzokiko hamabi talde Ezker Hormako txapelketan
Pilota eskola martxan bada ere, bestalde, izena emateko aukera badela oraindik gogorarazi du EPLEk. Horretarako, 680 71 94 22 telefono zenbakira deitu behar da.
Ibon Eskisabel pilotaria. Argazkia: EPLE Datorren asteburuan hasiko da Gipuzkoako Ezker Hormako txapelketa eta EPLE eta Batzokiko hamabi talde ariko dira bertan. Senior Mailako eskuz binakan EPLE taldeak ohorezko mailan talde bat du gainera aurtengo denboraldian.
Joan den astean hasi zen lehen mailako seniorren larruzko paleta txapelketa. EPLE 2 taldeak (Eskisabel-Ruben) 23-35 irabazi zuen Txost 1en aurka OIartzunen. EPLE1 taldeak, berriz, (Eiheramendi eta Yorelek) galdu egin zuten 28-35 Fanderian.
EPLEko ordezkariek udan zehar pilotariek izandako emaitzak nabarmendu nahi izan dituzte, eta hala, Imanol Odriozola EPLEko atzelariak Tolosako J. Alberdirekin batera Getariako Salbatore txapelketan lortutako garaipena eta Iker Urmeneta aurrelariak Hernaniko Ortiz de Urbinarekin batera Donostiako Abuztuaren 31ko txapelketan lortutako garaipenak aipatu dituzte.
Pilota eskola martxan bada ere, bestalde, izena emateko aukera badela oraindik gogorarazi du EPLEk. Horretarako, 680 712 94 22 telefono zenbakira deitu behar da.
Azkenik, pilota partidak frontoian bertan ikus daitezkeela ezarritako aforo eta segurtasun neurriak beteta hilaren 1az geroztik jakinarazi du.
