Urteroko bi taldeei, hirugarren bat gehitu nahi diete: 6-8 adin tartekoena. Tailerretan izena emateko epea hilaren 27ra arte dago zabalik.
Orratx! Ttiki antzerki taldearen artxiboko irudia. Argazkia: Orratx! 
Urtero bezala, Orratx! Antzerki Taldeak haur eta gaztetxoentzako antzerki tailerrak prestatu ditu. Ohiko izan dute bi talde eratzea aurreko urteetan, baina ikasturte berrirako hirugarrenaren alde ere egin dute, 6-8 adin tartekoena. Beraz, 12-14, 9-11 nahiz 6-8 adin tarteetan dabiltzanenak dira eratu nahi dituzten antzerkizaleen topaguneak.
Ikastaroaren iraupena urriaren lehen egunetik ekainaren 24ra artekoa da, ikasturte osokoa alegia. Hileko kuota 20 eurokoa da. Hala, izena eman nahi dutenek antzerki taldearen posta elektronikora mezua bidali behar dute hilaren 27a baino lehen.
Tailerrak ostiraletan izango dira, ondoko ordutegiarekin:
- 12-13-14 urtekoen tailerra: ostiraletan 15:30etik 17:00etara.
- 6-7-8 urtekoen tailerra (talde berria): ostiraletan 1700etatik 18:30era.
- 9-10-11 urtekoen tailerra: ostiraletan 18:30etik 20:00etara.
Orratx!-ekoek jakinarazi dute ordutegi hori alda litekeela sortzea asmo duten talde berria (6-7-8 urtekoena) aterako ez balitz.
