Venezuelarekin elkartasun eguna antolatu dute San Pedron, larunbaterako
Pakito Arriaran Fundazioak, BRICS-PSUVk eta Antxeta elkarteak antolatu dute jardunaldia. Deportazioa eta Venezuelako egoera izango dituzte hizpide, bazkariaz gain.
![Venezuelarekin elkartasun eguna san pedro](https://oarsoaldea.hitza.eus/site/files/2021/09/eh-venezuela-500x313.jpg)
Horma irudia, Caracasen.
Jardunaldi internazionalista antolatu dute datorren larunbaterako, hilak 18. Euskal Herria Venezuela Elkartasun Eguna izenpean, hainbat ekitaldi antolatu dituzte Pakito Arriaran Fundazioak, BRICS-PSUVek (Komunikazio Solidarioko Nazioarteko Brigadak) eta Antxeta elkarteak.
San Pedroko elkartean (Arraunlarien kalea, 30) izango dira ekitaldi guztiak. Bi hitzaldik eta herri bazkari batek osatuko dute egitaraua. Honakoa izango da:
- 12:00etan: Hitzaldia: Erbestea, deportazioa. Gaitzik txikiena?, Mikel Korta Sortuko preso, iheslari eta deportatuen komisioko kidearekin zein Juanjo Aristizabal deportatu ohiarekin.
- 14:30ean: Herri bazkaria (40 lagunentzako edukiera izango du). Izena emateko, Antxeta elkartetik pasatu beharko da, edo, bestela, egunean bertan.
- 17:00etan: Hitzaldia: Venezuela gaur, Mikel Moreno Pakito Arriaran fundazioko kidearen eskutik.