Udako igerilekuan bisitarien kopuruak behera egin du
Uda honetan %15,87 erabiltzaile gutxiago izan ditu udako igerilekuak. Uztailean beherakada nabarmena izan zuen, eguraldi txarrarengatik.
Oiartzungo udako igerilekuetan egon den bisitari kopurua txikiagoa izan da, eguraldiak hala baldintzatuta.
Pasa den igandean itxi zuten udako igerilekua, ekainaren 12tik irekita egon ondoren. Uda izan den errusiar mendi meteorologikoak eragina izan du horretan: iaz baino %15,87 erabiltzaile gutxiago izan dira aire zabaleko igerilekuan.
Uztailean izan zen beherakadarik nabarmenena, orduko eguraldi kaxkarra zela eta. Irailean, berriz, iazko erabiltzaile kopurua mantendu da.
Nabarmentzeko da aurten ekainean ere irekita egon da kanpoko igerilekua. Iaz, COVID-19ak eragindako osasun larrialdi egoerarengatik uztailean ireki zen, ohi baino beranduago. 2021eko denboraldi honetan ere hainbat neurri egon dira, arrazoi beragatik, baina denboraldiarekin bere horretan gozatzeko aukera egon da.
