Sormen idazketa tailerra emango dute Ehuntzen, maila handiko idazleekin
'Gezi beltzak' eskainiko dute sormen espazioan, urritik urtarrilera bitartean, Oier Guillanekin. Harkaitz Cano, Gorka Arrese, Uxue Alberdi eta Ixiar Rozas, gidari.
Oier Guillanek gidatuko ditu saioak, gonbidatuen laguntzarekin. Ehuntze sormen espazioak sormen idazketa tailerra antolatu du datozen lau hilabeteetarako. Antolatzaileek azaldu dutenez, literatur sorkuntzaren gaineko praktikak eskainiko dituzte, “literaturaren inguruko begirada zabalduz”. Ez-ohiko ariketak landuko dituzte, baita esperientziak partekatu ere.
Oier Guillanek gidatuko ditu saioak, eta hilabete adina gidari-gonbidatu hurbilduko dira Beheko Plazako lokalera. Harkaitz Cano, Uxue Alberdi, Gorka Arrese eta Ixiar Rozasek beraien eskarmentua partekatuko dute.
Saioak larunbatetan izango dira, urritik urtarrilera, hilabete bakoitzean hiru aldiz. Izena emateko azkeneko eguna urriaren 5a izango da. Horretarako, e-posta bidez jarri beharko da harremanetan Ehuntze sormen espazioarekin.
Gezi beltzak ikastaroaren matrikularen prezioa, hileko 30 eurokoa izango da, oiartzuarrentzat, eta 50ekoa, berriz, herritik kanpo erroldatuta daudenentzat.
