Kenpo kain eta defentsa pertsonalean izena emateko epea, irekita
Honbu elkarteak ikastaroak antolatu ditu 2021-2022 ikasturterako. Kiroldegian izena emanda edo e-posta bidez eman daiteke izena.
Elorsoron ematen dituzte eskolak. Kenpo kai eta defentsa pertsonaleko saioetarako izen ematea irekia dagoela jakinarazi du Honbu elkarteak. Saioak astearte eta ostegunetan izango dira, goizez eta arratsaldez, Oiartzungo Elorsoro kiroldegian. Saioak adinaren arabera banatuak daude: haurrak, gazteak eta helduak.
Eskarmentu handiko irakasle talde entzutetsu batek emango ditu eskolak. Pili Martinez da talde horren burua, gerriko beltzean 6. dan-a duena, defentsa pertsonalean aditua eta karate federazioko Kenpo kai arloko zuzendaria.
Ez da maila handiko irakasle bakarra izango. Gorka Osa (gerriko beltza 5. danarekin) eta Alain Isasa (hainbat aldiz izan da munduko txapelduna eta iazko Oiartzungo Kirol sari jaso zuen) dituztela gaineratu dute Honbukoek. Irakasle batzuek hiru hamarkada baino daramate irakasten.
Gainera, gogorarazi dute Emma Garmendiak aurten txapeldunorde izan dela kata modalitatean, 14-18 urte arteko kategorian.
Saioak bai defentsa pertsonalean eta kenpo kaien lehen urratsak emateko eta aurretik ezagupen batzuk dituztenentzako bideratuak dira.
Izena emateko, Elorsoro kiroldegian bertan egin daiteke, saioen orduetan edo e-posta helbidean.
