COVID-19a: aste osoan, zortzi kutsatu Oarsoaldean

Lezo eta Pasaia tasaren eremu berdean daude, 60koa baino txikiagoa dutelako. Errenteria-Oreretako tasa 72koa da, eta Oiartzungoa 106koa.

Urko Etxebeste Petrirena

Errenteria-Orereta,Lezo,Oiartzun,Pasaia

2021/09/24

Beherantz doa, nabarmen, koronabirusaren eragina Oarsoaldean. Aste honetan, astelehenetik ostegunera (hilaren 20tik 23ra), lau herrietan zortzi kutsaturen berri izan da, bost Errenteria-Oreretan, bi Pasaian, eta bakarra Oiartzunen. Joan den asteko epe berberean (hilaren 13tik 16ra), hamasei izan ziren positiboak. Aste honetan, Lezon ez da positiborik atzeman.

Jarraian, atzoko datuak oinarri, Oarsoaldeko lau herrien egoera zenbakitan:

Errenteria-Orereta. Tasa: 72 (joan den asteko ostegunean 87koa zen). Positiboak (astelehena-asteartea-asteazkena-osteguna): 2-0-1-2.
Pasaia. Tasa: 41 (joan den asteko ostegunean 95ekoa zen). Positiboak (astelehena-asteartea-asteazkena-osteguna): 1-0-1-0.
Oiartzun. Tasa: 106 (joan den asteko ostegunean 125ekoa zen). Positiboak (astelehena-asteartea-asteazkena-osteguna): 1-0-0-0.
Lezo. Tasa: 16 (joan den asteko ostegunean 82koa zen). Positiboak (astelehena-asteartea-asteazkena-osteguna): 0-0-0-0.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.