Allerruren bost talde, lehian asteburuan
Horietatik hiruk jokatuko dute Plazetan. Eskubaloi eta areto futbol taldeek hurrengo asteburuan hasiko dituzte sasoi berriko partidak.
Allerruren bost taldek jokatuko dituzte asteburu honetan eurei dagozkien ligetako partidak. Aurreko asteburuan lau izan ziren sasoia hasi zutenak, eta oraingoan, nesken kadete taldea gehitu zaie.
Beste kiroletako ligak ez dira hasiko datorren asteburura arte. Beraz, areto futboleko Jaixkiren bi taldeek nahiz Gaintxuk, eta Munttarperen taldeek astebete dute euren denboraldi hasiera ondo-ondo prestatzeko.
Ondokoak dira asteburuko Allerruren lehiak:
Gizonen Ohorezko Erregional Maila
- Añorga-Allerru, etzi (igandea) 19:00etan Añorgako Rezola zelaian.
Emakumeen Gorengo Maila
- Allerru-Oiartzun, bihar (larunbata) 16:00etan Plazetan.
Gizonen Gazteen Lehen Maila
- Orereta Kafea-Allerru, bihar (larunbata) 17:30ean Errenteria-Oreretako Beraungo zelaian.
Neska kadeteak
- Allerru-Touring, bihar (larunbata) 12:00etan Plazetan.
Mutil kadeteak
- Allerru-Hondarribia, bihar (larunbata) 10:00etan Plazetan.
