Ugaldetxok auzo lokal berria du, Isastiko etxe berrietan
157 metro koadroko lokala da, eta biltegia ere badauka. Datorren astean auzo batzarra egingo da bertan, auzoko gaiei buruz hitz egiteko.
Isastiko etxe berrietan dago lokal berria. Ugaldetxok auzo lokal berria dauka. Isastiko etxe berrietan udalak jabetzan duen lokala txukundu, eta auzotarren erabilerarako izango da.
Auzo lokal berriak 157 metro koadro ditu, baita biltegia ere. Udalak 136.943,44 euroko inbertsioa egin du auzo lokal berriarekin.
Lokalaren erabilera inauguratzeko ekitaldia hurrengo asteazkenean —urriaren 6an, 19:00etan— izango da. Izan ere, auzo batzarra egingo dute udalekoek eta Ugaldetxoko bizilagunek. Auzoko eta herriko gaiak jorratzeaz gain, lokal berriaren erabilera eta funtzionamendua izango dituzte hizpide.
