Gazte bat atxilotu dute, ustez, hiru edukiontziri su emateagatik
Kalte delitu bat leporatuta, 20 urteko gazte bat atxilotu du Ertzaintzak gaur goizaldean. Atxilotuak, ustez, hiru edukiontziri su eman die.
Ertzaintzak atxilotu egin du bide segurtasunaren aurkako delitua leporatuta. Kalte delitu bat leporatuta, 20 urteko gazte bat atxilotu du Ertzaintzak gaur goizaldean. Atxilotuak, ustez, hiru edukiontziri su eman die. Atxilotzeko unean.likido d¡sukoia zuen zuen plastikozko botila bat, metxero bat eta paper zati bat atzeman dizkiote, Segurtasun Sailak jakinarazi duenez.
Goizaldeko hirurak aldera sutan hasi dira Beraun eta Pontika kaleen inguruan zeuden hiru edukiontzi. Udaltzaingoaren patruila saiatu da sua itzaltzen eta suhiltzaileek itzali dute erabat. Ertzaintzaren patruila batek gizon bat aurkitu du Gaztaño auzoan, zabor edukiontzi batzuen ondoan. Polizia ikusi duenean, korrika ihes egin duela zehaztu du segurtasun sailak prentsa oharrean eta harrapatu dutenean, likido sukoia zuen botila —ustez gasolina— zeukala eta arropetan ere usaina zuela. Jertsearen poltsikoetako batean gainera, metxeroa eta paper zatia aurkitu dizkiote. Horren aurrean, kalte delitua leporatuta atxilotu dute gaztea.
Atxilotua gaur bertan eraman dute epaile aurrera.
