Kultur programa eta hezkuntza eragileentzako diru laguntzak, abian
Udaleko Kultura eta Hezkuntza sailak martxan jarri ditu bi arlo horiek sustatzeko laguntza lerroak. Urriaren 27ra arte egin daitezke eskaerak.
Pasaiako Udaleko Kultura eta Hezkuntza sailak jakinarazi du 2021eko kultur programa eta hezkuntza eragileentzako diru laguntzetarako eskaerak dagoeneko aurkez daitezkeela.
Eskaerak egiteko epea 30 egun naturalekoa izango da, hots, azken eguna urriaren 27a izango da. Horiek ezingo dira aurrez aurre HAZeko bulegoetan aurkeztu, erregistro telematikoen bitartez egin beharko dira nahitaez. Laguntzak arautzen dituzten oinarriak eta eskaera egiteko inprimakiak webgune horretan, izapideak atarian, daude eskuragarri.
