Boxeo gaua igandean, eta Latigo Perez ringean
Ringeko aulkietako sarrerak 20 euroan daude salgai eta harmailakoak, 15 euroan.
Sebas Latigo Perez boxeolari errenteriarra. Boxeo gaua izango da igandean Galtzarabordako kiroldegian 17:00etan hasita. Ringean, hainbat borrokaldi ikusteko aukera izango da, baina borroka nagusia, Latigo Perez errenteriarra eta Anuar Salas kolonbiarra aurrez aurre jarriko dituena izango da. Oilar edo superoilar kategorian lehiatzen du Latigo Perezek, eta egun, Espainiako lehena eta Europako hirugarrena da.
Ringeko aulkietako sarrerak 20 euroan daude salgai eta harmailakoak, 15 euroan.
Honakoa da egitaraua:
EMAKUMEAK
- Sara Romaña – Uxuri Arévalo (luma pisua)
Sara Romaña Espainiako txapelduna, Maliañoko Daniel Rasilla klubekoa (Kantabria) eta Uxuri Arévalo, Urdulizeko klubekoa (Bizkaia)
GIZONAK
- Mohammed El Infierno Anagh – Pablo Tovar (pisu arina)
Mohammed Anagh, Errenteriako Team Látigo Boxing klubekoa, eta Pablo Tovar, Logroñoko Barrubox klubekoa
- Daniel Pozo The Hamble – Jon Quintanilla (pisu ertaina)
Daniel Pozo, Errenteriako Team Látigo Boxing klubekoa eta Jon Quintanilla, Bilboko Ribero klubekoa
- Naim Temsamani – Guillermo Samake (pisu astuna)
Naim Temsamani, Errenteriako Team Látigo Boxing klubekoa eta Guillermo Samake, Logroñoko Barrubox klubekoa
- Jon Escorpión Jiménez – Ángel Vaquero (pisu superastuna)
Jon Jiménez, Errenteriako Team Látigo Boxing klubekoa eta Angel Vaquero, Logroñoko Iñigo Marin klubekoa
ERAKUSTALDIA / ESGRIMA EGOKITUAREN PROMOZIOA (GURPILDUN AULKIA)
- Manuel Quesada – Alex Prior
Manuel Quesada, Errenteriakoa, C.D. Fortuna. Taldekako Espainiako txapelduna eta Alex Prior, Donostiakoa, C. D. Fortuna. Taldekako eta banakako Espainiako txapelduna
PROFESIONALAK (6 round) – IZARREN BORROKA
- Sebastián «Látigo» Pérez – Anuar Salas (oilar pisua)
Sebastián Pérez, Errenteriako Team Látigo Boxing klubekoa. 25 urte. 15 borrokaldi: 12 garaipen (horietako 2 KOgatik); 2 porrot, puntuengatik; eta borrokaldi baliogabe bat. Espainiako eta Europar Batasuneko txapelduna izan da. Anuar Salas, kolonbiarra; 33 urte, 33 borrokaldi: 21 garaipen (horietako 11 KOgatik); 11 porrot (horietako 4 KOgatik); eta borrokaldi baliogabe bat. 2011n Munduko Boxeo Elkartearen Txapelketa Latinoan borrokatu zen, eta 2020an Munduko Boxeo Elkartearen Txapelketa Interkontinentalean
