Feminismo dekolonialaren gaineko solasaldia, larunbatean
Emakumeen Etxeko programazio lantaldeak, Garaipen Elkartearekin elkarlanean, agenda feminista aberasteko hiru hitzaldi antolatu ditu. Hausnarketa eta eztabaida sortzea dute helburu horien bidez.
Emakumeen Etxea [Arg.: Herri Bizia]. Emakumeen Etxeko programazio lantaldeak, Garaipen Elkartearekin elkarlanean, agenda feminista aberasteko hiru hitzaldi antolatu ditu. Hausnarketa eta eztabaida sortzea dute helburu horien bidez, ezinbestean landu behar diren eduki eta praktiken inguruan sareak eraikiz. Hiru hitzaldi horietako bigarrena, larunbatean egingo dute, 11:30etik 14:30era Merkatuzarreko Jose Luis Caso aretoan. Arrazakeriak eta egitura kolonial kapitalistek emakumeen bizitzan eta erresistentzia estrategietan duten eragina aztertzea izango du helburu.
Hiru hizlari gonbidatu ariko dira hitzaldi horren barruan: Tamara Claveria Jimenez, Jesenia, eta Marie Lucia Monsheneke.
Claveriak 37 urte ditu, Gizarteratze ikasketak egin ditu, gaur egun, Euskadiko Emakume Ijitoen Elkartean (Amuge) egiten du lan, eta bertako presidenteordea da. Bere eguneroko borroka, ijitoen giza eskubideak, eskubide zibilak eta sozialak benetan gauzatzeko berdintasuna defendatzea da. Erronka nagusia, ijitoen feminismoaren eraikuntzan eta antigitanismoaren borrokan laguntzen jarraitzea da.
Jesenia, nonbinaryk, barne espetxe eta polizietatik ihes egiteko abilezia jaso zuen Ytek, pertsona zuriek, desio duten indigena afroen ondorengo makurra izateari uko egiten dio. Dueluak eta zauri historikoak sendatu daitezkeen zalantzarik ez du.
Giza duintasunaren eta errespetuaren aldeko aktibista feminista afrikarra da Monsheneke. Zientzia politikoetako eta Administrazioetako eta Nazioarteko Harremanetako ikaslea da, Gerokultorea, Famek elkarteko lehendakaria, genero berdintasunerako agentea, gizarte laguntzako agentea, zurrumurruen aurkako Bilboko Udaleko agentea, etaagente komunitarioa udaletxe berean.
Hitzaldia online emango da, eta presentzialki naiz birtualki parte hartzeko izena eman behar da aurretik posta elektronikora idatzita.
Emakumeen Etxeak ateak zabalik dituela gogorarazi dute azkenik, astelehen eta ostiraletan 09:00etatik 13:00etara eta asteartetik ostegunera 16:00etatik 20:00etara.
