[Bideoa] 620 marihuana landareko plantazioaren arduradun pasaitarra atxilotu dute
Zortzi urte geroago, berriro atxilotu dute 49 urteko gizonezkoa, orduko lursail berean hautemandako landaketagatik. Hiru eremutan zuen banatuta kalamua.
Elizondoko (Baztan, Nafarroa) komisariako Foruzaingoak 49 urteko Pasaiako bizilagun bat atxilotu du, 620 marihuana landareko plantazio baten ardura egotzita. Akusatua orain dela 8 urte ere inputatua izan zen, gune berean hautemandako plantazioagatik.
Foruzainek adierazi dute landare ilegalez beteriko bi negutegi aurkitu dituztela, bi metro inguruko altuerako aleak ere topatu dituztelarik horietan. Eremua foruzainen patruila batek estalgabetu du; orain dela urte batzuk egitura antzekoko kalamu plantazio bat topatu zuten leku berean.
Poliziak kasuaren detaile gehiago eman ditu: “Arduraduna identifikatzeko helburuz, eta inguruan plantazio gehiago ba ote ziren egiaztatzeko, zainketa gailu berezi bat jarri zen martxan, eremua ikuskatzeko dronaren laguntzarekin”. Horrekin, 60 landare baino gehiagoko hirugarren eremu bat hauteman zuten.
