Mihia konplexurik gabe dantzatzeko
Lau Haizetara Euskaltzaleon Topaguneak zabalik du Mintzalagun programan izena emateko epea. Doakoa da, eta interesdunek, Lau Haizetararen egoitzara jo behar dute astelehen, astearte eta ostegunetan 17:00etatik 20:00etara, posta elektronikora idatzi, 688 756 398 telefono zenbakira deitu, edo inprimakia bete.
2019ko mintzodromoa amaituta hartutako familia argazkia, Euskararen Egunean
Lau Haizetara Euskaltzaleon Topaguneak zabalik du Mintzalagun programan izena emateko epea. Doakoa da, eta interesdunek, Lau Haizetararen egoitzara jo behar dute astelehen, astearte eta ostegunetan 17:00etatik 20:00etara, posta elektronikora idatzi, 688 756 398 telefono zenbakira deitu, edo inprimakia bete. Boluntarioekin osatutako dinamika da Mintzalaguna: euskaraz hitz egiten dakien mintzalaguntzaile batek dinamizatzen du taldea, euskaraz solasaldi atsegin eta lasai bat izateko aukera emanez.
Pandemiak eragina izan badu ere programa ohikoan aurrera ateratzeko, konpromisoari eutsi diote eta 80 bat lagunek mantendu dute dinamika. Aurten, beraz, bereziki gogotsu datoz ikasturteari hasiera eman eta euskararentzat espazio seguruak bermatzeko. Programaren arduradunek, betikora itzultzeko gogoz daudela adierazi dute: “Horixe baita, finean gure programaren oinarria, MintzaPoza. MintzaPoza sortzen digu astero elkartzeak. euskaraz lasai eta eroso aritzeko aukera izateak akatsak egiteko beldurrik gabe, edo euskara praktikatu nahi dugunokin astero elkartzeko prest dagoen mintzalaguntzaile bat izateak”.
Mintzalagun dinamikaren barruan, talde txikiak sortzen dira bakoitzaren aukerak kontuan izanda. Euskara praktikatu nahi duten mintzalagun gehienak kafearen bueltan edo paseo bat emateko biltzen dira. Baina bestelako aukerak ere eskaintzen dizkie programak, euskaraz aritzeko aukerak ez dituztenei, ikasitako hura praktikan jarri nahi dutenei, edota herdoilduta gelditu den hura berreskuratu eta euskaraz bizitzeko hautua egiten dutenei: mintzodromoak, mintzafaria, txangoa, irakurketa erraza (Lekuona Fabrikako bibliotekan).
“Aukera bikaina da euskaraz gehiago aritu nahi dutenentzat, edo dugunontzat, Mintzalaguna ez baita euskara ikasten ari direnentzat soilik, jariotasuna berreskuratu nahi dutenentzat, edota euskara jakinda hura erabilzteko aukera ez dutenentzat espazio ere izan nahi du”, gaineratu dute.
Aitzakiarik beraz, ez dago. Lau Haizetararen eskutik, euskaraz bizitzeko, euskaraz gehiago eta gehiagotan egiteko, beldurrak uxatzeko, jariotasunean aurrera egiteko, aukera paregabea aurten ere.
