Abaraxka ludotekak irekiera festa egingo du larunbatean
Kontzejupe plazan egingo duten festarekin hasiko dute 2021-2022 ikasturtea. Ludotekan zein Familia Eremuan ate irekien jardunaldiak egingo dituzte urrian.
Kontzejupe plazan bilduko dira etzi arratsaldean. Abaraxka udal ludotekak irekiera festa egingo du datorren larunbatean, urriak 2. Ludotekaren kanpoan, Kontzejupe plazan, egingo dute festa hori, 16:30ean hasita.
Lehen Hezkuntzako 1. mailatik 6. mailara artekoentzat da zerbitzua, eta asteartetik ostiralera 16:30etik 19:30era dago zabalik, baita larunbat arratsaldetan ere Abaraxka Ibiltariarekin. Larunbat arratsaldetako jardueretan parte hartzeko ez da izenik eman beharko. Eskaintza hori ezagutzeko ate irekien egunak urriaren 5etik 15era bitartean izango dira.
Familia Eremua, berriro martxan
Familia Eremua ere egongo da. 0 eta 5 urte txikientzako eskainiko dute: astelehenetan izango da, 16:30 eta 19:30 tartean. Pasa den ikasturtean, osasun larrialdi egoera zela eta, bertan behera geratu zen zerbitzua.
Azken horretarako ate irekiak urriko astelehen guztietan dira. Familientzako zerbitzu horren funtzionamendua azaltzeko bilera informatiboa urriaren 11n izango da. Edukiera kontuengatik, bilerara joateko aldez aurretik izena eman beharko da e-mailez idatzita edo ludotekara deituta.
Izena emateko edo informazio gehiagorako: 645 00 54 96 dei daiteke, edo e-posta bidez idatzi. Blogaren bitartez ere bere jardueren berri ematen dute.
