Udal kirol instalazioetan prezio murriztua eskatzeko epea hasi da
Tarifen prezioan murrizketa eskatzeko irizpideak aldatu berri ditu udalak. Azaroaren 10era arte aurkez daitezke eskaerak, udaletxeko harreran.
Oiartzungo udal kirol instalazioetako tarifetan eska daiteke, Elorsoro kiroldegian, adibidez.
Oiartzungo udal kirol instalazioetako tarifen murrizketa eskatzeko epea hasi da gaur. Irizpide batzuk aldatu dira aurten (hala onartu zuten herenegungo plenoan), eta horietako bat izango errenta aitorpena aurkezteko modua.
Bestetik, desgaitasunarengatik prezio murrizketa eskatzen dutenen kasuan, familiako bi kidek %33ko desgaitasuna badute prezio murriztua modu automatikoan aplikatuko zaie aurrerantzean.
Familiako kideren batek desgaitasuna duen kasuetan, familia-unitatea lagun bat gehiago gisa kontabilizatu eta horren araberako baremoak aplikatuko dituztela jakinarazi dute udaleko iturriek.
Araudi berritua eta eskaera orria Oiartzungo Udalaren Iragarki Taulan eskura daitezke, Deialdi irekiak izeneko ataldean, honako estekan klik eginda.
Azaroaren 10a izango da eskatzeko azkeneko eguna. Udaletxeko harreran egin beharko da.
