Kirol elikadurari buruzko solasaldia, gaur arratsaldean
Idoia Larrañaga, Martxel Bereau eta Nerea Abancensekin izango da hitzaldia, Kirol Astearen barruan. Labore Oarson izango da ekitaldia.
Martxan da Oiartzungo VI. Kirol Astea. Pasa den larunbatean egin zuten lehenengo ekitaldia, eta gaur arratsaldean izango da bigarrena.
18:00etatik aurrera, kirol elikadura izango dute hizpide Labore Oarson. Idoia Larrañaga nutrizioa eta medikuntza naturalean adituak, Martxel Bereau goi mendiko gida eta mendi-lasterkariak eta Nerea Abancens Napo Eibarko futbol jokalariak beren iritziak partekatuko dituzte.
Edukiera mugatua izango du, eta Labore Oarsoko bazkideek izango dute lehentasuna. Erreserbak 943 47 74 01 telefono zenbakian egin behar dira.
VI. Kirol Astearen egitarau osoa ikusteko, egin klik hemen.
