Hiru puntu izan behar zutenak bakarrean geratu dira
Oiartzun Kirol Elkarteko nesken talde nagusiak berdindu egin du Santanderren. Sortutako aukerak ez dituzte aprobetxatu. Mutilek galdu egin dute.
Aukera pila bat izan zituzten Santanderren jokatutako partidan.
Oiartzun Kirol Elkarteko talde nagusiak bina berdindu du asteburuan Racingen zelaian. Atsedenaldira bi goleko aldearekin iritsi ziren, askoz hobeto jokatuta. Ainhoa Lizasok lortu zituen oiartzuarren bi golak. 11. eta 40. minutuetan. Aukera pila bat sortu zituzten, baina ez ziren gai izan kantabriarren atea berriro zulatzeko.
Partidaren bukaeran etxekoek beren aukerak aprobetxatu eta bina berdintzea lortu zuten.
Mutilen talde nagusiak, bestalde, partida kaxkarra jokatu zuen Zumarragan. Atsedenaldira berdinduta iritsi ziren, baina ilusiokeria besterik ez zen izan, bigarren zatian jaso baitzituzten hiru golak.
Areto futboleko bi taldeek emaitza positiboak lortu zituzten. Oiartzunek nagusitasunez irabazi zuen, eta Miren Tabernak puntu bat urratu zuen etxetik kanpo.
Saskibaloi taldeentzako, berriz, ez da asteburu ona izan, bi taldeek galdu baitzuten.
FUTBOLA
Emakumeen Lehen Nazional Maila
- Racing — Oiartzun: 2-2.
Gizonezkoen Ohorezko Erregional Maila
- Urola – Oiartzun: 3-0.
Emakumeen Ohorezko Erregional Maila
- Urnieta — Oiartzun: 0-4.
Gizonen Gorengo Maila
- Oiartzun — Pasaia: 1-0.
Emakumeen Gorengo Maila
- Oiartzun — Dunboa Eguzki: 1-0.
ARETO FUTBOLA
Gizonen Gipuzkoako Lehen Maila
- Oiartzun KE — Euskalduna: 6-0.
Gizonen Gipuzkoako Bigarren Maila
- Ingou Conbriker Aloña — Miren Taberna: 2-2.
SASKIBALOIA
Gizonen Gipuzkoako Bigarren Maila
- ZAST Zarautz — Oiartzungo Saskilagunak: 73-37.
Emakumeen Gipuzkoako Bigarren Maila
- Easo Araxes — Oiartzungo Saskilagunak: 50-27.
