Euskararen aktibazio bilera egingo dute gaur
Haurrekin harreman zuzena duten helduei zuzenduta dago bilera, hizkuntza ohituretan eragiteko. Udaletxeko areto nagusian elkartuko dira.
![euskararen aktibazioa](https://oarsoaldea.hitza.eus/site/files/2021/10/fcnj7s0weamhrqu-500x313.jpg)
Bigarren bilerako irudia [Arg.: @oiartzunudala].
Euskaraldia egin beharrean, aurten hizkuntzaren transmisioa lantzea proposatu du Euskaltzaleon Topaguneak.
Oiartzunen lanean ari da Euskaraldia dinamizatzen duen lan taldea. Gaur arratsaldean, 17:00etan hasita, udaletxeko pleno aretoan elkartuko dira. Haurrekin harreman zuzena duten helduei zuzenduta dago bilera, haien arteko hizkuntza ohituretan eragiteko.