Bederatzi puntu izango ditu urriko ohiko udalbatzarrak
Datorren asteazkenean izango da plenoa. Añarbeko Mankomunitatearen mozio bat aztertuko dute, baita Abarka elkartearekin lankidetza ere.
Añarbe Mankomunitatearen mozio bat aztertuko dute. Oiartzungo udalbatzak datorren asteazkenean, hilak 27, egingo du urriari dagokion ohiko plenoa. 18:00etan hasiko da, eta bederatzi puntuko gai zerrenda izango dute esku artean. Tartean mozio bat agertzen da.
-
Aurreko batzarrei dagokien akten onarpena.
-
Añarbeko Mankomunitatearen Beheko Kanalaren Alternatiba-ri buruzko mozioa.
-
URAren Euskal Agentziaren eta Oiartzungo Udalaren arteko Protokoloa, Oiartzungo udalerrian dauden jabari publiko hidraulikoan diren ibai-ibilgu eta ertzetan elkarlanean aritzeko (2021IN16000002).
-
Oarsoaldea S.A.ri 2021eko dirulaguntzen 3. hiruhilekoaren ordainketa (2021ID13000002).
-
Oiartzungo Udala eta Abarka Elkartearen arteko lankidetza hitzarmena (2021GI06000001).
-
Auto-taxi garraiorako hiri zerbitzuen 2022rako tarifak onartzeko proposamena (2021ID02060001).
-
Aurrekontuaren exekuzioaren berri ematea.
-
Beste organoen jardunaren jarraipena.
-
Eskari-galderak.
Ez da hilabeteko pleno bakarra izan. Astelehenean ezohiko bat egin zuten, puntu bakarrekoa.
