Tren Berdeak Arditurri hurbilaraziko du, astelehenean
Arditurriko meategiak bisitatzeko aukera egongo da azaroren 1ean. 10:00etatik 14:00etara egongo da irekita. Tren Berdea, martxan.
Datorren astelehenean —azaroak 1—, jai eguna izango da egutegi ofizialean. Hori aprobetxatuta, Arditurriko meategia ezagutzeko eskaintza berezia egin dute. Tren Berdeak lotuko ditu Pagoaldea eta Arditurri.
Tren Berdea hartzeko hiru txanda izango dira (10:00etan, 11:00etan eta 12:00etan). Bidaia egin ondoren, meategiak bisitatzeko aukera izango da, oinarrizko bisita edo sakonekoa eginez.
Tren Berdea eta oinarrizko bisita aukeratzen duenak bost euro ordaindu beharko ditu —3 euro, 13 urtetik behera dutenen kasuan—. Bisita sakonekoa baldin bada, 7 kostatuko du sartzeak (5 euro, 13 urtetik behera dituztenek).
Aldez aurretik erreserbatzea komeni dela jakinarazi dute. Telefonoz egin daiteke, 943 49 50 69 edo 688 895 068 telefono zenbakira deituta. Bestela, e-posta bidez.
