Zaintzen antolaketa birpentsatzen
Zaintzen antolaketa birpentsatzen ari dira Errenteria-Oreretan, eta horren harira, lan saiora deitu dute larunbatean 10:00etatik 13:00etara Emakumeen Etxean.
Zaintzen antolaketa birpentsatzen ari dira Errenteria-Oreretan, eta horren harira, lan saiora deitu dute larunbatean 10:00etatik 13:00etara Emakumeen Etxean. Maiatzean, Zaintzak Saretzen izeneko prozesua jarri zuten martxan. Bide horretan, eragile ezberdinekin elkarlanean Errenteria-Oreretako errealitatea aztertu dute, eta une honetan, bigarren faseari ekingo diote.
Bigarren fase horretan zehazki, kokatzen da larunbatean egingo duten lan saioa. Beste herrietan martxan diren iniziatiba eta jardunbide egokiak ezagutzeko baliatuko dute hitzordua. Bi zati izango ditu saioak. Lehenengoa 10:00etan hasiko da, eta Beterri Buruntzaldeako zaintza ekintzetarako proposamena aurkeztuko du Miren Arangurenek.
Valentziako Ciutat Cuidadora iniziatibaren Las Naves zentroaren esperientzia azalduko du Sara Verduk; eta Madrilgo Ciudad de los cuidados iniziatibako eragile batek ere hartuko du parte.
Lan saioaren bigarren zatian hausnarketari zabalduko diote bidea, eta Errenteria-Oreretan garatu nahi diren proposamenak egiteko tartea irekiko dute.
Jardunaldian parte hartzeko izena eman behar da galdetegi hau beteta, posta elektronikoan, edo 617 69 08 79 telefono zenbakira deituta.