Abarkak eta udalak hitzarmena sinatu dute, lau urterako
Kamerunen hezkuntza, osasun eta prebentzio proiektuak garatzeaz gain, Europa mailan ere aritzen da GKEa. Oiartzunen zabaldu nahi dute bere lana.
Olaia Lasa zinegotzia, Naroa Ibargoien eta Clotaire Ntienou Abarkako kideekin, hitzarmena sinatzen.
Oiartzungo Udalak eta Abarka Gobernuz Kanpoko Erakundeak hitzarmena sinatu dute datozen lau urteetarako. Sinatutakoari esker, Abarka elkarteak Altzibarko eskolan lanerako eremu bat izango du.
Clotaire Ntienou Abarkako lehendakariak eta Naroa Ibargoien Abarkako kideak formalizatu dute hitzarmena, Olaia Lasa Gizarte-Ongizate zinegotziarekin batera.
Abarka elkartea Oiartzunen dago. Kamerunen hezkuntza, osasun eta prebentzio proiektuak garatzeaz gain, Europa ere aritzen dira lanean.
Horrela, Europako Batasunaren Erasmus+ barruan, hiru lan ildo dituzte: gazteen arteko elkartrukeak; formakuntza eta produktu digitalen inguruko epe luzerako proiektuak.
Abarkako kideek zehaztu dutenez, Oiartzunen bertan ere zabaldu nahi dute proiektuarekin egindakoak.
