Badiako Film Laburren Erakusketa datorren astean abiatuko da
Ikuskaren XXIII. erakustaldia hilaren 13tik 20ra arte egingo da. Parte hartzaileen filmak Trintxerpe eta Donibanen emango dituzte, astelehenetik ostiralera.
'Maixabel' filma hilaren 14ean (igandea) eskainiko dute Trintxerpeko Alkateordetzan. 
Ikuska, Pasaiako Badiako Nazioarteko XXIII. Film Laburren Erakusketa, datozen egunetan abiatuko da. Zehazki, hilaren 13tik (datorren larunbata ez, hurrengoa) 20ra arte (larunbata) edukiko dute pasaitarrek aukera kultur produkzioez gozatua hartzeko.
Lehiaketan parte hartu duten film laburrak hilaren 15etik 19ra, astelehenetik ostiralera, emango dituzte, Trintxerpen nahiz Donibanen. Horien sariak hilaren 20an banatuko ditu epaimahaiak, larunbatarekin.
Emanaldiak Trintxerpeko Alkateordetzan izango dira eta gonbidapena Maixabel ikusteko soilik jaso beharko da, hilaren 9tik aurrera, Trintxerpeko Udal liburutegian. Hona hemen aurtengo programazioa:
- Ostirala 12
- 20:00. M film laburraren proiekzioa. Trikuharri gizarte- eta kultura-elkartearen lankidetza lana. Film laburrean parte hartzen duten pertsonaia batzuei buruzko azalpenak emango dituzte. Irungo Nayade Abesbatza bertan izango da, film labur horretan parte hartu baitu.
- Larunbata 13
- 19:00. Emea eta anitza. Emakumea hainbat arlotan islatzen duten film laburren proiekzioa. Saileko film laburrik onenari Bekoz Beko saria emango diote.
- 22:30. Gauguasa. Umorezko film laburren saioa.
- Igandea 14
- 19:00. Maixabel filmaren proiekzioa.
- Astelehenetik (hilak 15) ostiralera (hilak 19), 20:00etan, Sail ofiziala: Lehiaketako film laburren proiekzioa. Paraleloki, proiekzioak egun berdinetan baina ordu erdi lehenago (19:30ean) ere eskainiko dituzte Donibaneko Juanba Berasategi auditorioan.
- Ostirala 19
- 22:30. Intriga eta beldurrezko film laburrak.
- Larunbata 20
- 19:00. Epaimahaiaren erabakia eta 2021eko Ikuskaren sari banaketa, saritutako film laburren proiekzioarekin batera.
