Haur eta nerabeen artean euskararen egoera zein den ezagutzeko bilera
Gazteekin jarduten duten eragileekin bilduko da Bokale asteazkenean. Endika Zaldua Koxtapeko entrenatzailearen testigantza bideo batean jaso dute.
Endika Zaldua Koxtapeko entrenatzaileak bat egin du Pasaian euskara sustatzeko planarekin. 
Pasaian euskara sustatzen jarraitzeko Plan Estrategiko berria lantzen hasia da Bokale Euskararen Aholku Batzordea. Asteazkenean, 19:00etan, pauso berri bat emango dute Trintxerpeko Udal Euskaltegian.
Etziko topaketan aisialdi-, kultur- eta kirol-arloetan jarduten duten elkarte, eskola eta udal zerbitzuekin bilduko dira Bokaleko kideak. Saioan Pasaiako euskararen egoerak dituen indarguneak eta ahuleziak, eta eskaintzen dituen aukerak eta mehatxuak identifikatuko dituzte bertaratuek.
Dei egin diete haur eta nerabeekin jarduten duten Pasaiako eragileei, euren hondar alea jartzera hurbil daitezen. Endika Zaldua Koxtapeko entrenatzaileak ekimenarekin bat egin du. Argi du hark euskara hutsean aritzeko gune gehiago behar direla udalerrian. Hona hemen bere testigantza:
