Zuhaitz Magikoa izeneko sormen ekintza kolektiboa egingo dute hilaren 20an
Haziak proiektuak goiz eta arratsaldean banatuko den tailerra antolatu du hilaren 20rako. Bakarka, senideekin edo lagunekin parte har daiteke.
Haziak proiektuak Zuhaitz Magikoa izeneko sormen kolektiboko ekintza egin nahi du hilaren 20an. Familian, lagunekin edo bakarka parte hartzeko moduko tailerra izango dela iragarri dute antolatzaileek.
Hainbat kontzepturi irekiko dizkiote Zuhaitz Magikoa ekintzan: irudimenari, gorputz adierazpenari, sorkuntza prozesuei eta naturaren kontaktuari.
Horrela, hobe daitezkeen egoerak nola sentitzen dituzten adierazten saiatuko dira parte hartzaileak, baita konpontzeko bideak bilatzen ere.
“Hezkuntza ez-formala, artea eta parte-hartze indibidual zein kolektiboaren bitartez, adierazpen bideak, esperientzia berriak eta espazio kolektiboak biziko ditugu”, iragarri dute Haziak proiektuko kideek.
Izena emateko azkeneko eguna hilaren 17a izango da —asteazkena—, eta horretarako 645 00 54 96 telefono zenbakira deitu beharko da. Toki mugatuak egongo direla iragarri dute.
Sormen ekintza kontzejupean egingo dute, 10:30etik 12:30era eta 16:00etatik 18:00etara.
