Bihar musika eskolako ikasleen kontzertua, eta Zinema Ttikiaren emanaldi bikoitza. Etzi, musika gehiago eta antzerkia Gezalan.
Larunbatean, 19:00etan emango dute Gezalan 'Paperezko hegoak' dokumentala. 
Behobia-Donostiaz eta herriko kirol taldeen norgehiagokez gain, Lezon bada zer egin asteburuan. Askotariko kultur programazioa dago biharko eta etzirako. Musika, zinema eta antzerkia horien oinarrian.
Bihar, 12:30ean eta Gezala Auditoriumean, Tomas Garbizu Lezoko Udaleko Musika Eskolako ikasleek eta irakasleek Santa Zeziliako kontzertua emango dute.
Bihar ere, baina arratsaldez, Lezoko Zinema Ttikiaren emanaldi bikoitza: 16:30ean, haurrentzako animazio filma Ipuin herriko berriak lanarekin; 19:00etan, berriz, Paperezko hegoak dokumentala, Euskaldunon Egunkaria-ren itxieraren gainekoa.
Igandean, eta Indarkeria Matxistaren Kontrako Egunaren egitarauaren barruan, Tomas Garbizu Musika Eskolako txistulari taldeak kalebuelta egingo du herritik 10:00etan hasita.
Igandeko 20:00etan, berriz, antzerkia Gezalan. Amua obra taularatuko du Axut konpainiak. Sarrerek zortzi euroko prezioa dute.
Oarsoaldeari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako. Herrigintza egin nahi dudalako. Oarsoaldeko euskarazko komunitatearen parte izan nahi dudalako. Oarsoaldeko herritarrok behar dugulako. Zure ekarpena behar dugu, babestu tokiko euskarazko komunikabidea.
