Oiartzungo kirol taldeen asteburuko emaitzak (2021-11-15)
Areto futbolean zein saskibaloian aurkia eta ifrentzua ezagutu dute Oiartzungo taldeek. Futbolean, nesken talde nagusiak galdu egin du, eta mutilek, berdindu.
Oiartzungo nesken talde nagusiarentzat arerio handiegia izan zen Athletic. Bilbotarrek garaipena eraman zuten Karla Lekuonatik, gol bakarreko aldeagatik. Mutilen talde nagusiak, berriz, bana berdindu zuen Ordizian.
Nesken bigarren taldeak denboraldiko lehen porrota jasan zuen Lesakan, eta sailkapeneko burua galdu du.
Areto futbolean, Oiartzunek indartsu jarraitzen du, Oarsoaldeko derbia eskuratuta. Miren Tabernak Legorretan galdu zuen ostiralean.
Saskibaloian, berriz, nesken taldeak denboraldiko lehen garaipena eskuratu zuen. Mutilek, berriz, hurrengo baterako utzi beharko dute.
FUTBOLA
Emakumeen Lehen Nazional Maila
- Oiartzun — Athletic C: 1-2.
Gizonezkoen Ohorezko Erregional Maila
- Ordizia – Oiartzun: 1-1.
Emakumeen Ohorezko Erregional Maila
- Beti Gazte — Oiartzun: 1-0.
Gizonen Gorengo Maila
- Dunboa Eguzki — Oiartzun: 1-0.
Emakumeen Gorengo Maila
- Oiartzun — Allerru: 2-1.
ARETO FUTBOLA
Gizonen Gipuzkoako Lehen Maila
- Oiartzun KE — Ostiko ORE Esports: 4-2.
Gizonen Gipuzkoako Bigarren Maila
- Bilkoin Legorreta — Miren Taberna: 3-2.
SASKIBALOIA
Gizonen Gipuzkoako Bigarren Maila
- Saskiaxular — Oiartzungo Saskilagunak: 92-43.
Emakumeen Gipuzkoako Bigarren Maila
- Luberri Baserria KM0 — Oiartzungo Saskilagunak: 34-46.
