Euskarak Pasaian dituen ahuleziak identifikatzeko bilerak, barrutiz barruti
Bokale Euskararen Aholku Batzordeak barrutiko bilera bana egingo du euskara sustatzen jarraitzeko. Euskara ez dakitenei bertaratzeko deia egin diete.
Bokale Pasaiako Euskararen Aholku Batzordea plan estrategikoaren osaketa prozesuaren baitan aurrez aurreko parte hartze saioak egiten ari da euskararen diagnosia osatzeko. Herritarrentzako saio irekiak datorren astetik aurrera hasiko dira lau barrutietan, eta bereziki dei egiten diete euskaraz hitz egiteko edo ulertzeko gai ez direnei horietan parte har dezaten. Honakoak dira hitzorduak:
- Hilak 23, asteartea. Antxoko Kultur etxean, 18:30ean.
- Hilak 24, asteazkena. Trintxerpeko Udal euskaltegian, 18:30ean.
- Hilak 29, astelehena. Donibaneko kulturgunean, 18:30ean.
- Hilak 30, asteartea. San Pedroko liburutegian, 18:30ean.
