Barruti bakoitzeko hainbat bide berrasfaltatuko dituzte
Barrutiz barruti hainbat bide zaharberritzeko plana osatu du Pasaiako Udalak. Obren lizitazio epea zabalik da, eta abenduan esleitzea aurreikusi dute.
Lau barrutietako bideak zaharberritzeko plana jarri du martxan Pasaiako Udalak. Jarduketen xedea, funtsean, hainbat kale berrasfaltatzea da; horrekin, ordea, pasabide goratuak hobetu eta egungo zoladura egokituko da, irisgarritasuna hobetze aldera. Hainbat seinale horizontal nahiz bertikal ere berrituko dituzte.
Orotara 320.000 euro inbertitzea aurreikusi du udalak aipaturiko lanekin. Obren lizitaziorako epea zabalik da jada, eta asmoa urtea bukatu aurretik horiek esleitzea litzateke, abenduan, zehazki.
- Antxo
- Anbulatorioaren ondoko pasabidea goratzea.
- Seinale horizontalak konpondu eta hobetzea Nafarroa etorbidean.
- Eskalantegi kaleko hainbat konponketa.
- Donibane
- Jaizkibelgo errepidetik San Rokera sartzeko bidea.
- Lurdes Txiki 1etik 11 zenbakira.
- Konponketak San Roke 5 zenbakitik 7ra, eta Joan XXIII 1ean.
- San Pedro
- Kanpitxorako igoera.
- Marinosera igoera, Itsas Eskolarainoko bidea eta pasabide goratua.
- Konponketak Marques de Seoane 4n.
- Kanpitxoko konponketak.
- Trintxerpe
- Arrandegi kaleko bidea eta oinezkoentzako pasabideak.
- Terranova kaleko igoeraren hasiera.
- Ulia etorbideko bidearen amaiera eta Azkuene kalearen goialdea.
- Hainbat konponketa Ulia etorbidea zehar.
- Seinale horizontalak konpontzea eta hobetzea Euskadi etorbidean.
