Beldurrik gabe bizitzeko aldarria, Bizarainen
Indarkeria matxistaren erpin guztiak agerian jarri dituzte Bizarain Ikastetxe Publikoko DBHko ikasleek gaur.
Bizaraingo bi ikasle sortutako afixa bat eskutan gaur goizean. Argazkia: Bizarain ikastetxea. Indarkeria matxistaren erpin guztiak agerian jarri dituzte Bizarain Ikastetxe Publikoko DBHko ikasleek gaur. Beraiek ere bat egin dute Emakumeen Aurkako Indarkeria Ezabatzeko egunarekin, eta azken asteotan hainbat jarduera egin dituzte gaiaren inguruan ikasgeletan. Hala, Errenteriako Zirika Neska Gazte taldeak proposatuta, indarkeria matxistaren inguruko bertako ikasleen testigantzak jaso dituzte, ondoren Zirika taldeak bideoa egiteko horiekin.
Aste osoan zehar, gainera, tutoretza orduak gaia lantzeko baliatu dituzte. Gaur bertan, indarkeria matxistaren kontrako ikur diren pultserak banatu dituzte ikasleen artean, eta azken bi asteetan plastika klaseetan indarkeria matxistaren kontrako leloekin sortutako afixekin photocalla egin dute.
Beraiek ere argi dute: indarkeria matxistari zero tolerantzia.
Photocallean egindako argazki guztiak ikastetxearen web orrira bildu dituzte eta hemen ikus daitezke.
