Agerikoa, zein ezkutuko indarkeria matxista bistaratu dute
Indarkeria matxistaren muturreko ondorioek, lazgarrienek izaten dute oihartzuna, baina indarkeria matxista egunero, uneoro gertatzen da, hamaika modura. Horiek guztiak identifikatzeko lanketa egin dute Orereta Ikastolako ikasleek.
Orereta Ikastolako DBHko ikasleek eguneroko indarkeria matxista salatzeko kartelak jarri dituzte ikastolan. Argazkia: Orereta Ikastola Indarkeria matxistaren muturreko ondorioek, lazgarrienek izaten dute oihartzuna, baina indarkeria matxista egunero, uneoro gertatzen da, hamaika modura. Horiek guztiak identifikatzeko lanketa egin dute Orereta Ikastolako ikasleek. DBHkoek indarkeria matxista moten gainean hitz egin zuten joan den astean, agerikoez eta ezkutukoez aritu ziren, ikusezin diren horietaz guztiez ere.
Horietaz hausnartuta, lehen eskutik sufritu edota inguruan ikusitakoen testigantzak idatzi zituzten ondoren, eta aste honetan zehar, eguneroko indarkeriak islatzeko kartelak sortu dituzte. Horiekin guztiekin bete dute gaur ikastola, ikusgarri eginez, egunerokoan begi aurrean gertatuta ere ikusezin den hori.
Txikiagoek ere egin dute lanketa Emakumeen Aurkako Indarkeria Ezabatzeko Nazioarteko Egunaren harira. Lehen Hezkuntzako ikasleek indarkeria matxistaren gaineko hausnarketa egin dute komiki, bideo eta abestien bidez. Gaur egun osoan zehar Ikastolako bozgorailuetatik Eraso sexistarik ez eta Denok zu gisako abestiak baino ez dituzte entzun.
