Lezo Bonua kanpainan izena emateko epea zabalik
Gaurtik hasita zapi eguneko epea izango dute merkataritza, ostalaritza eta zerbitzu sektoreko enpresa eta saltokiek izena emateko.
Jose Angel Sánchez, Merkataritza eta Garapen Ekonomikoko zinegotzia, Jesus Mari Martiarena, alkatea eta Lezokoak merkatari, ostalari eta zerbitzu enpresen elkarteko lehendakaria. Lezo Bonua kanpainaren oinarrien berri eman du gaur udalak. Helburua, tokiko saltokietan erosketak sustatzea da, eta gaurtik hasita, zazpi eguneko epea izango dute udalerriko saltokiek kanpainan parte hartzeko izena emateko. Kanpaina aurrera eramateko 20.000 euroko inbertsioa egingo du udalak.
Bonuak bost eurokoak izango dira, 3,5 euroko salmenta prezioa izango dute, eta eramaileak bost euroko balioa duten bonuak izango ditu kanpainarekin bat egin duten establezimenduetan erosteko. Bonu bakoitzeko euro eta erdiko aldea, udalak hartuko du bere gain.
Bonuak aurrekontua agortu arte emango dira, eta aurkeztutako eskabide kopuruaren arabera banatuko direla jakinarazi du udalak.
Oinarriak Lezoko Udalaren web orrian kontsulta daitezke, eta eskabideak zein dagokien dokumentazioa Lezoko Udalera bidali behar dira erregistro elektronikoaren bidez, edo aurrez aurre erregistroan aurkeztu. Informazio gehiagorako 943 49 41 29 telefono zenbakira deitu edo posta elektronikora mezua bidal daiteke.
Programari atxikitzeko zazpi eguneko epea izango dute saltokiek, abenduaren 3ra arte, zehazki.
