Urtebetean 3.000 bisita izan ditu 'Oiartzunlanin' atariak
Herriko enpresa txiki eta ertainetan euskararen erabilera sustatu eta normalizatzeko asmoz sortu zuten iaz. Euskarri ezberdinen bidez hizkuntza kudeaketaren gaineko informazioa eman dute bertan.
Atariaren irudi bat. Orain dela urtebete (2020ko abenduaren 1ean hain zuzen) sortu zuen udalak Oiartzunlanin bloga, “Oiartzungo enpresa txiki eta ertainetan euskararen erabilera sustatu eta normalizatzeko” asmoz. Ordutik hizkuntza kudeaketaren gaineko informazioa zabaltzen aritu dira, askotariko podcast eta saioren bitartez; urtebetean, 3.000 bisitari inguru izan ditu atariak, datu hori eman berri du udalak.
Hilero gainera, LANIN podcasta egiten du udalak Oiartzun Irratiarekin elkarlanean. Irratsaio honen datuak ere bildu dituzte. Hauen arabera, 62 lagunek entzun zuten azkeneko saioa.
Udalak bloga bisitatu zein podcasta entzuten duten oiartzuarrak eskertu nahi izan ditu.
