Lezoko auzo-konposta higienikoa dela egiaztatu dute
Altamira, Andreone, Aralar, Arretxene eta Lopeneko guneetako hamabi lagin hartu zituzten, eta urteko azken bisita abenduaren 14an egingo dute.
Teknikariak konpostaren egokitasun froga egiten, guneetako batean Lezoko auzo-konposta mikrobiologikoki segurua dela frogatu da. Pasa den azaroaren 11n, udalak herriko konposta guneetan patogenoak ote zeuden aztertu zuen eta emaitzak egokiak izan dira segurtasunaren aldetik. Bai Salmonella bai E.coli bakterioen hazkunde frogak ezezkoak izan dira; legeak onartzen duen mugaren azpitik kokatu dira, alegia.
Hartara, konposta erabat heldua egin arte itxaron zen, eta Lezoko hamabi auzokonposta guneetan hartu zituzten laginak, horietako hiruk materia freskoa bazuten ere. Hamabi konpost laginak era honetan banatu ziren: Altamirako, Andreoneko zein Lopeneko guneetan bina familia; hiru Aralarren eta beste hiru Arretxenen.
Urteko azken bisita, abenduaren 14an
2021eko bisiten egutegia datorren abenduaren 14an, asteartea, amaituko da. Zortzigarren eta azkeneko bisita honetan, ordea, konpostajearen jarraipen higienikoa egiteaz gain, urtean zehar eskuratutako emaitzak azalduko dira. Beraz, proiektuan parte hartu duen orok azaltzeko aukera duela ohartarazi du udalak.
Bukatzeko, egungo osasun egoera aintzat hartuta ere, konpostagailuaren barneko tenperatura altuak bermatzeko baldintzak egokiak direla azaldu dute.
