Puntu bakarra poltsikoratu dute asteburuan
Oiartzungo KEko mutilek berdinketa eskuratu dute Amaika Bat taldearen kontra. Neskak ordea, ez dira gai izan punturik eskuratzeko.
Karla Lekuonan jokatu zuen mutilen talde nagusiak. Asteburu hau ere ez da onena izan Oiartzun kirol elkarteko talde nagusientzat. Mutilak berdinketarekin konformatu behar izan dira, eta neskak ez dira gai izan punturik eskuratzeko.
Mutilek etxean jokatu zuten, Amaika Bat taldearen kontra. Bi zatitan kanpokoek menderatu zuten partida, oiartzuarrak ez ziren gai izan azken minutuetara arte golik sartzeko. 1-1 amaitu zuten partida, puntu bat beraz oiartzuarrentzat.
Neskek Monte taldea bisitatu zuten, klubeko iturrien arabera, jokatzeko oso zaila izan zen zelai batean. Dena den, gutxienez berdintzea merezi zuten neskek. 1-0 izan zen amaierako emaitza.
