Garaipen handia Oiartzungo neskentzat
Nesken talde nagusiak 5-0 irabazi dio Nueva Montaña taldeari. Mutilak ordea, ez dira gai izan punturik eskuratzeko.
Nesken talde guztiek Karla Lekuonan jokatu dute. Garaipen handia eskuratu dute Oiartzun KEko neskek asteburu honetan. 5-0 irabazi diote Nueva Montaña taldeari.
Atsedenaldira lau goleko abantailarekin heldu ziren neskak, eta bigarren zatia ere erraz menderatzea lortu zuten. Ane Lopez de Heredia, Olatz Areitio, Leire Manterola, Ainhoa Lizaso eta Amaia Irastorzak gol bana eskuratu zuten.
Mutilek ordea, ez dute zorterik izan asteburu honetan. Mikel Bengoetxeak gol bat eskuratu arren, ez ziren gai izan Mutriku menderatzeko. 94. minutuan garaipenaren gola eskuratu zuten etxekoek, amaierako 2-1 ezarriz.
