600 pertsona inguruk hartu du parte 'Birziklatu gehiago eta hobeto' kanpainan
Arrakastatsua. Hala izan da udalaren esanetan, hiri hondakinen birziklatzea sustatzeko hilaren 2tik 16ra bitartean antolatutako Birziklatu gehiago eta hobeto kanpaina.
Birziklatu gehiago eta hobeto kanpaina egin dute. Arrakastatsua. Hala izan da udalaren esanetan, hiri hondakinen birziklatzea sustatzeko hilaren 2tik 16ra bitartean antolatutako Birziklatu gehiago eta hobeto kanpaina. lehen egunetako eguraldi makurrak herritarrak uxatu bazituen ere, bigarren erdian hobera egin du, eta guztira 600dik gora errenteriar gerturatu dira herriko auzoetan jarritako hemeretzi informazio guneetara.
Ondorio bat, hurbildu direnek nahikoa ondo birziklatzen dutela dirudi udalak jakinarazi duenez, “hainbat zalantza bazituzten ere, ongi ari direla dirudi”. Zalantzen artean, edukiontzi horian utzi beharreko hainbat elementurekin nahasketa, paper plastifikatuak, eta porexpan erretiluak kasu; edota hautsitako kristalezko edalontziak nora bota (errefusara).
Saski bat ere zozkatu dute informazio puntu horietatik pasa eta txartela bete dutenen artean; guztira 450 izan dira, eta Jose Mendez Barreira izan da irabazlea.
Errenteriako Udalak eskerrak eman dizkie parte hartzaile guztiei, eta birziklapenaren bidean jarraitzeko gonbita egin die.
