Xanti Iparragirre Perurena euskaltzalea hil da

Igandean hil zen, 87 urterekin, Eskoriatzako baserrian. Añarbe baserrian jaiotakoa, lehen bertso eskola sortu zuen, eta iheslaria ere izan zen.

xanti iparragirreXanti Iparragirre Perurena hil zen atzo goizean, Eskoriatzako baserrian. Euskaltzale eta abertzalea zen, eta hainbat saltsatan ibilitakoa. Besteak beste, lehen bertso eskolaren sustatzaile izan zen, Patxi Goikolea eta Juanito Akixorekin batera.

Errenteria-Oreretan jaio zen, 1934an, Añarbe baserrian, gerora urtegiaren eraikuntzak estali zuena.

Eskolara joateko aukerarik ez zuen izan, eta hamasei urtera arte etxean lan egin zuen, gero basomutil aritzeko. Eraikuntzan ere aritu zen.

25 urterekin ezkondu zen Eskoriatzara, eta bost seme-alabaren aita izan zen. Horietako bat Marixol Iparragirre da, egun preso jarraitzen duena.

Berak ere ezagutu zuen errepresioa: 1981ean Ipar Euskal Herrira, eta han ere bertso irakasle aritu zen. 22 urte geroago bueltatu zen etxera, EHNA eskuan.

Hileta elizkizuna bihar izango da, Eskoriatzako San Pedro elizan, 19:00etan hasita.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.