[Bideoa eta galeria] Urtxalle harro egongo litzateke
Txostek antolatuta, Manuel Frantzisko Lekuona 'Urtxalle' omentzeko pasaka txapelketa egin dute gaur goizean zehar Oiartzunen.
Txost pilota elkarteak Manuel Frantzisko Lekuona Urtxalle omentzeko pasaka txapelketa antolatu du goizerako. Bertan, Bizkaiko eta Gipuzkoako txapelketetako finalistak aritu dira, lehenik finalerdietan eta ondoren 3. eta 4. nahiz finalerako lehietan. Kontzejupeak jaso ditu norgehiagokak, eta hasieran ikusleei kosta arren (10:30ean hasi dira neurketak), pixkanaka goiza girotzen joan da Done Eztebe plazaren inguruan. Pilotarien maila eta grina ikusita, Urtxalle gustura eta harro legoke.
Jarraian, lehen neurketaren hainbat irudi eta bideoa. Astelehenean emango du emaitzen berri HITZAk. Ziarrusta eta Amantegi bizkaitarrek Lizaso eta Xabier Urbieta gipuzkoarren kontra jokatu dute lehen neurketa horretan. Beste finalerdia Uribe-Beldarrain (Bizkaia) eta Karrera-Jon Urbieta (Gipuzkoa) bikoteak ziren jokatzekoak.
