Zazpigarren arteari eta herritarrei leial, seigarrenez
Zinema denen eskura jarri eta zirkuitu komertzialetik at diren filmak ere herritarren eskura jartzeko hartutako bideari leial erantzungo dio seigarren urtez OzZinemak.
Europako aretoetan erakusten lehena izango da Errenteria-Oreretako Niessen Zinema, Ozzinemaren eskutik. Zinema denen eskura jarri eta zirkuitu komertzialetik at diren filmak ere herritarren eskura jartzeko hartutako bideari leial erantzungo dio seigarren urtez OzZinemak. Ibilbide luzea du dagoeneko zineklubak, eta hutsik egin gabe, eskaintza oparo bezain interesgarria aletzen eta osatzen jarraitzen du. Aurtengo lehen proposamenak ere, ez du ikuslea epel utziko; izan ere, Europako aretoetan estreinaldia izango da lehen emanaldi hori, Errenteria-Oreretako Niessen zinemek hartuko baitute lehenengoz Bard and Stra go to Vista del Mar filma.
Komedia, akzioa, musika, eta adiskidetasuna batzen ditu filmak. lehen aldiz irtengo dira beren herritik Bard eta Star lagun onak Vista del Mar aldera, Floridara joateko. Abentura batean murgilduko dira bertan, maitasuna eta hiri osoa hiltzeko asmoa duen bilau bat deskubrituko dutelako. Josh Greenbaumek zuzendu du filma eta Kristen Wiig eta Annie Mumolo aktore eta gidoilari estatubatuarrena da gidoia.
Pelikula freskoa, xaloa, ezin hobeto egina eta timing komiko perfektua duena da. Zorion malkoak ziurtatuta omen daude.
Filma bihar emango dute 19:30ean, eta sarrerak 4 euroan dira salgai. Online, Lekuona Fabrikan, eta Niessen Kulturguneko leihatilan saioa baino ordubete lehenago eskura daitezke.
