Fanderiako errotan pista jolasean ariko dira familiak
Hartzaileak zazpi urtetik gorako haurrak dituzten familiak dira, eta helduek eta haurrek batera hartuko dute parte familiaka edo burbuilaka.
Fanderiako errota berriz ere ireki dute. Pista Jolasa Familian jarduera antolatu du larunbaterako udalak Fanderiako Errotan eta bere inguruan. Bi txanda antolatu dituzte, 11:00etan eta 12:30ean. Hartzaileak zazpi urtetik gorako haurrak dituzten familiak dira, eta helduek eta haurrek batera hartuko dute parte familiaka edo burbuilaka.
Jolastu bai, baina errota martxan ikusteko aukera ere izango da saioan. Doakoa da jarduera, baina aurretik izena eman behar dela gogorarazi du udalak posta elektronikoz edota 943 49 24 21 / 690 72 02 64 telefono zenbakietara deituta.
Fanderiako Errotako Ibaiaren Interpretazio zentroak hilabeteko bigarren asteburuetan errota martxan ikusteko aukera eskaintzen du, eta hilean behin ekintza berezi bat antolatzen du.
