Abarka GKE launa gazteren bila dabil, bi proiektutarako
Hondarribian egingo diren ingurumenari buruzko jardunaldiak izango dira proiektuetako bat. Bestea, Turkian ikastaro bat, gizarte langileentzat.
Ingurumenari buruzko eta "erradikalizazio arriskuan" dauden gazteekin lan egiteko saioak dira. Oiartzungo Abarka GKE 18 eta 25 urte arteko lau gazte bilatzen ari da, ingurumenari buruzko nazioarteko jardunaldi batean parte hartzeko. Hondarribian izango da, otsailaren 27tik martxoaren 6ra, eta ostatua zein otorduak antolatzaileen kontura izango dira.
Bertan, klima aldaketa, kontsumo eta ekoizpen ez-jasangarriak zein hainbat motatako kutsadurak sortzen dituzten erronkak aztertuko dituzte.
Bestalde, beste lau gazte bilatzen bilatzen ari dira, Turkian egonaldia egiteko, apirilaren 1etik 9ra. “Erradikalizazio arriskuan” dauden gazteekin lan egiten duten lan egiten dutenei zuzenduta dago. Kasu horretan ere, antolakuntzak ordainduko ditu ostatua, bidaia, janaria eta ziurtagiria.
Interesatuak dauden gazteak Abarkarekin jar daitezke harremanetan, 717 701 724ra deituta edo posta elektroniko bidez idatzita.
