TAO berritze kanpaina, urtarrilaren 28an hasiko da
Tasa, iazkoaren berbera izango dela esan du udalak, eta martxoaren 2an kargatuko dute, beranduenez.
Urtarrilaren 28an hasiko da 2022rako TAO berritze kanpaina, eta aurtengo tasa, iazkoaren berbera izango dela adierazi dute. Udalak tramiteak sinplifikatzeko eta kontrola hobetzeko asmoarekin, gaitze tituluak automatikoki berrituko ditu, beti ere baldintzak betetzen badituzte interesdunek.
Bada, baldintzak betetzen dituztenei eta ordainketa helbideratuta dutenei, automatikoki berrituko zaie gaitze titulua martxoaren 2an, beranduenez. Aldiz, ordainketa helbideratuta ez dutenek, ordainagiri bat jasoko dute etxean eta horren bitartez egin beharko dute ordainketa, baita ere martxoaren 2a baino lehen.
Trakzio mekanikoko ibilgailuen zerga edo isunen bat ordaindu gabe edota TAOren udal ordenantzatik titularren bizilekuan eta ibilgailuen inguruan ezarritako baldintzak bete ez dituztenek, horiei buruzko zuzenketak egin beharko dituzte titulua lortzeko.