Larre Planaren barruan, ia 67.000 euroko inbertsioak Oiartzunen
Munanierren, Bianditzen, Arlepon, Pagolarren, Pikoketan, Aritxulegin eta Errengan hobekuntza lanak egin dira 2021ean. Udalak eta aldundiak finantzatu dituzte lan horiek.
Larunbateko batzarrekoa da ondoko irudia. Larre Planaren barruan iaz egindakoen berri izan zuten oiartzuarrek joan del larunbatean udaletxean egin zen batzarrean. Udaleko eta Gipuzkoako Foru Aldundiko ordezkarien azalpenak jaso zituzten bertaratu ziren abeltzain oiartzuarrek. Datu orokor bat eman zuten erakundeetako kideek: 2021ean 66.721 euroko inbertsioak egin dira herrian hobekuntza lanak egitera. Horietatik 25.674,50 udalak jarri ditu, eta 41.046,52 aldundiak.
Zehazte aldera, iaz, Larre Planaren barruan Munanierren, Bianditzen, Arlepon, Pagolarren, Pikoketan, Aritxulegin eta Errengan egin ziren hobekuntza lanak. Hala, larreak garbitzeaz aparte, Arlepon urarentzako aska jarri zen, eta Ereinen (Munanierren dago) jateko askak. Gainera, abereak ibiltzen diren eremuen ondoko errepideetan bide-seinaleak jarri direla azaldu zuten larunbatean.
Iaz egindakoen berri emateaz gain, 2022an abeltzainek zein behar izango dituzten zerrendatu zuten batzarrean. Horiek aztertu ondoren aurten zer egin erabakiko dute aurrerago.
