Lezoko kirol taldeen asteburuko emaitzak (2022-01-24)
Eskubaloiko, areto futboleko eta saskibaloiko talde guztiek euren partidak irabazi dituzte. Lehian izan diren Allerruren talde guztien artean, ordea, puntu bakarra.
Sasoiko hirugarren garaipena eskuratu dute Kurkubiko Junior Mailako neskek. Futboleko taldeek izan ezik, beste guztiek garaipenaren bidea hartu dute asteburuan. Hau da: jardunaldia izan duten Muntttarperen taldeek, areto futboleko Gaintxuk eta Jaixkik, nahiz saskibaloiko Kurkubik irribarre egiteko aukera izan dute asteburuan, euren norgehiagokak irabazi dituztelako. Kontra, partida izan duten Allerruren talde guztien artean, puntu bakarra lortu dute: gizonen Gazte Mailako taldeak hiruna egin zuen Behobian.
Jarraian, lehiak izan dituzten Lezoko taldeen emaitzak:
FUTBOLA
Gizonen Erregional Ohorezko Maila
- Allerru-Bergara, 0-2
Emakumeen Gorengo Maila, Kopa
- Martutene-Allerru, 2-1
Gizonen Gazteen Lehen Maila, Igoera Fasea
- Behobia-Allerru, 3-3
Neska kadeteak, Txapeldunen Fasea
- Allerru-Aloña Mendi, 1-6
Mutil kadeteak, Kopa
- Allerru-Mariño, 1-2
ESKUBALOIA
Emakumeen Gipuzkoako Liga
- Atseden izan du Munttarpek.
Gizonen Gipuzkoako Bigarren Maila
- Munttarpe-Pulpo, 28-23
Neska kadeteak
- Urnieta-Munttarpe, 22-26
ARETO FUTBOLA
Gizonen Gipuzkoako Lehen Maila
- Gaintxu-Mondrate, 4-3
Gizonen Gipuzkoako Hirugarren Maila
- DAD Kutxa-Jaixki, 1-2
SASKIBALOIA
Emakumeen Junior Maila
- Kurkubi-Luberri Aldapeta, 40-36
